Tag: #Election Commission#eelamurasu#srilankanews

தேசியப் பட்டியல் மூலம் நாடாளுமன்ற உறுப்பினர்களை நியமிப்பதற்கான அளவுகோல்களை, இலங்கை தேர்தல்கள் ஆணைக்குழு தெளிவுபடுத்தியுள்ளது. இதன்படி, பொதுத் தேர்தலுக்கு முன்னர் அரசியல் கட்சிகள் அல்லது சுயேட்சைக் குழுக்களால் சமர்ப்பிக்கப்பட்ட தேசியப்பட்டியலில் சேர்க்கப்பட்டவர்கள் அல்லது 2024 பொதுத் தேர்தலில் போட்டியிட்டு தெரிவு செய்யப்படாத வேட்பாளர்கள் மட்டுமே தேசியப் பட்டியல் நாடாளுமன்ற உறுப்பினர்களாக நியமிக்கப்பட முடியும் என்று ஆணைக்குழு குறிப்பிட்டுள்ளது. இந்நிலையில், இலங்கையில் தேசிய பட்டியல் மூலம் 29 நாடாளுமன்ற உறுப்பினர்கள் நியமிக்கப்படுகின்றனர்.

எதிர்வரும் பாராளுமன்றத் தேர்தலில் விசேட தேவையுடையவர்களுக்கு வாக்குச்சாவடிக்குச் செல்ல போக்குவரத்து வசதிகளைப் பெற உள்ளூராட்சித் தேர்தல் அதிகாரியின் அனுமதியைப் பெற வேண்டும் என்று தேர்தல் ஆணைக்குழு தெரிவித்துள்ளது. மேலும், இதற்கான விண்ணப்பம் எதிர்வரும் 7ஆம் திகதிக்கு முன்னர் சமர்ப்பிக்கப்பட வேண்டுமென ஆணைக்குழு தெரிவித்துள்ளது. விண்ணப்பங்களை மாவட்ட செயலாளர் அலுவலகம், பிரதேச செயலாளர் காரியாலயம் மற்றும் கிராம சேவையாளர் அலுவலகம் அல்லது http://www.election.gov.lk என்ற இணையத்தளத்தில் பெற்றுக்கொள்ள முடியும். என் குறிப்பிடப்பட்டுள்ளது