பிராந்திய அமைதி குறித்து பாகிஸ்தான்,ஈரான் இடையில் பேச்சு

ஐ.நா.பொதுச் சபையின் கூட்டங்களுக்கு இடையே பிராந்திய அமைதி குறித்து பாகிஸ்தான் மற்றும் ஈரான் வெளியுறவு அமைச்சர்கள் விவாதித்தனர்.

பாகிஸ்தானின் துணைப் பிரதமரும் வெளியுறவு அமைச்சருமான இஷாக்தார், ஐ.நா.பொதுச் சபையின் கூட்டங்களுக்கு இடையே ஈரான் வெளியுறவு அமைச்சர் அப்பாஸ் அராக்சியை சந்தித்தார்.

எக்ஸ் தளத்தில் வெளியிடப்பட்ட ஒரு பதிவில், பாகிஸ்தான் வெளியுறவு அமைச்சகம், இரு அதிகாரிகளும் இருதரப்பு உறவுகள் குறித்து விவாதித்ததாகவும், பிராந்திய மற்றும் சர்வதேச நிகழ்வுகள் குறித்து கருத்துக்களைப் பரிமாறிக்கொண்டதாகவும், பிராந்திய அமைதி மற்றும் ஸ்திரத்தன்மையை மேம்படுத்துவதில் உரையாடல், ராஜதந்திரம் மற்றும் தொடர்ச்சியான ஈடுபாட்டின் முக்கியத்துவத்தை இஷாக்தார் வலியுறுத்தியதாகவும் கூறியுள்ளது.

இரு தரப்பினரும் நெருங்கிய தொடர்பில் இருக்க ஒப்புக்கொண்டனர் என்றும் அந்த பதிவில் மேலும் தெரிவிக்கப்பட்டுள்ளது.