ஐரோப்பிய யூனியனில் (EU) இணைவது குறித்த பேச்சுவார்த்தைகளை மீண்டும் தொடங்கும் அரசாங்கத்தின் திட்டத்திற்கு ஐஸ்லாந்து நாட்டு மக்கள் வாக்களித்து முறியடித்துள்ளனர்

பொது ஒளிபரப்பாளரான RUV வெளியிட்டுள்ள தகவலின்படி, மொத்த வாக்குகளில் 52.8% பேர் அரசாங்கத்தின் இந்த யோசனைக்கு எதிராக வாக்களித்துள்ளனர். ஆதரவாக 47.2% பேர் மட்டுமே வாக்களித்துள்ளனர்; இரு தரப்புக்கும் இடையே சுமார் 12,600 வாக்குகள் வித்தியாசம் இருந்தது.

ஏற்கனவே ஐரோப்பிய யூனியனின் ஒற்றை சந்தை மற்றும் ஷெங்கன் வலயத்தில் ஐஸ்லாந்து அங்கம் வகித்தாலும், யூனியனின் பொதுவான மீன்பிடி கொள்கையால் தங்கள் நாட்டின் மீன்பிடி உரிமைகள் பாதிக்கப்படலாம் என்ற அச்சமே இந்த முடிவுக்கு முக்கியக் காரணமாகும். மீன் மற்றும் கடல்சார் தொழில்கள் நாட்டின் ஏற்றுமதியில் கிட்டத்தட்ட 40% வகிக்கின்றன.

பிரதமர் கிரிஸ்ட்ருன் ஃப்ரொஸ்டாடோட்டிர் (Kristrún Frostadóttir) தலைமையிலான மையம்-இடது அரசாங்கம் 2027-க்குள் இந்த வாக்கெடுப்பை நடத்த திட்டமிட்டிருந்தது. இருப்பினும், அமெரிக்க ஜனாதிபதி டொனால்ட் டிரம்பின் கிரீன்லாந்து தொடர்பான அச்சுறுத்தல்கள் மற்றும் சர்வதேச பதட்டங்கள் காரணமாக இந்த வாக்கெடுப்பு முன்கூட்டியே நடத்தப்பட்டது.