கனடாவின் பிரிட்டிஷ் கொலம்பியா (B.C.) மாகாணத்தில் காட்டுத்தீ வேகமாகப் பரவி வருவதால், அம்மாநிலப் பிரதமர் டேவிட் ஈபி (David Eby) மாகாணம் முழுமைக்குமான அவசரநிலையை பிரகடனம் செய்துள்ளார்.
‘பால்ட் ரேஞ்ச்’ (Bald Range) என்ற காட்டுத்தீ மிக வேகமாகப் பரவி வருவதால், சம்மர்லேண்ட் (Summerland) பகுதியின் 12,000 மக்கள் அனைவரும் வீடுகளை விட்டு வெளியேற உத்தரவிடப்பட்டுள்ளது. மாகாணம் முழுவதும் 22,000-க்கும் மேற்பட்ட மக்கள் வெளியேற்றப்பட்டுள்ளனர்.
பீச்லேண்ட் (Peachland) மற்றும் கிக்கினினி மாகாண பூங்காவிற்கு இடையேயான நெடுஞ்சாலை 97 (Highway 97) இருபுறமும் மூடப்பட்டுள்ளது. சம்மர்லேண்ட் பகுதியில் மின்சார விநியோகமும் பாதிக்கப்பட்டுள்ளது.
தீயில் சிக்கித் தவித்த 50-க்கும் மேற்பட்டோர் ஹெலிகாப்டர்கள் மற்றும் விமானங்கள் மூலம் மீட்கப்பட்டுள்ளனர்.
இடம்பெயர்ந்த நீண்டகால பராமரிப்பு இல்லப் பயனாளிகளின் நிலையைத் தெரிந்துகொள்ள, அவர்களது குடும்பத்தினருக்காக ‘இன்டீரியர் ஹெல்த்’ (Interior Health) நிறுவனம் 1-833-971-5045 என்ற தொலைபேசி உதவி மையத்தைத் தொடங்கியுள்ளது.
Leave a Reply