அமெரிக்காவில் வெற்றி கொண்டாட நிகழ்ச்சியில் துப்பாக்கிச்சூடு! 3 பேர் உயிரிழப்பு

அமெரிக்காவில் உள்ள மிசிசிபி மாகாணம், ஹொல்மெஸ் நகரில் இடம்பெற்ற துப்பாக்கிச்சூட்டில் மூன்று பேர் உயிரிழந்திருப்பதாக தகவல் வெளியாகியுள்ளது.

சம்பவம் தொடர்பில் மேலும் தெரியவருவதாவது,

ஹொல்மெஸ் நகரில் பாடசாலைகளுக்கு இடையே நடைப்பெற்ற கால்பந்து போட்டியில் அப்பகுதியை சேர்ந்த பாடசாலை சாம்பியன் பட்டம் வென்றது.

இதையடுத்து, இந்த வெற்றியை கொண்டாட நிகழ்ச்சிகள் ஏற்பாடு செய்யப்பட்டிருந்தன.

அந்த நிகழ்ச்சி இன்றையதினம் நடைபெற்ற நிலையில அப்போது அங்கு அந்த இரு தரப்பினர் இடையே மோதல் ஏற்பட்டது. இந்தபோது திடீரென துப்பாக்கி சூடு நடத்தப்பட்டது.

இந்த துப்பாக்கி சூட்டில் 3 பேர் உயிரிழந்தனர். மேலும், 8 பேர் படுகாயமடைந்தனர்.

தகவலறிந்து விரைந்து வந்த பொலிஸார் படுகாயமடைந்தவர்களை மீட்டு அருகில் உள்ள மருத்துவமனையில் அனுமதித்தனர்.


மேலும், இச்சம்பவம் தொடர்பாக விசாரணை நடத்தி வருகின்றனர் என்பது குறிப்பிடத்தக்கது